To'liq tavsif
Avtomobilsozlik ilg'or muhandislik maktabi — kelajak avtomobil muhandislarini tayyorlashning zamonaviy markazi.
Avtomobilsozlik ilg'or muhandislik maktabi 8 mlrd so'mdan ortiq mablag'ga Uzavtosanoat AJ hisobidan 2025 yilda qurib bitkazildi. Oliy ta'lim tashkiloti huzurida yuridik shaxs maqomisiz ilg'or muhandislik maktablarini faoliyatini tashkil etish Jizzax politexnika instituti Kengashning 2025 yil 26-fevraldagi No7-sonli bayonnomasi bilan belgilandi.
Jizzax politexnika instituti rektorining 2025 yil 15-martdagi No 95 AF-sonli buyrug'i bilan "Avtomobilsozlik ilg'or muhandislik maktabi" tuzilmasi tashkil etildi hamda faoliyati yo'lga qo'yildi. Rahbar etib Djiyanbayev Sirojiddin Valievich tasdiqlandi.
Yo'nalishi sifatida "Avtomobilsozlik" sohasi belgilandi. Jizzax politexnika instituti professor-o'qituvchilari hamda "BYD Uzbekistan factory" qo'shma korxonasidan malakali xodimlar ro'yxati shakllantirildi. Bu borada hamkorlikda yangi o'quv platformasi yaratildi.
Transport muhandisligi fakultetining "Transport vositalari muhandisligi" ta'lim yo'nalishidan 3-bosqich talabalaridan 30 nafarini maqsadli ravishda ushbu maktabda o'qishini davom ettirish belgilandi. Talabalar GPA ko'rsatkichi 3.5 dan yuqori bo'lgan iqtidorli talabalar ichidan saralandi.
40 nafarga yaqin professor-o'qituvchilar "BYD Uzbekistan factory" QKda ishlab chiqarish jarayonlarida stajirovkadan o'tkazildi. Institut Rektorining 2025 yil 15-avgustdagi 698-ShT-son va 2025 yil 22-avgustdagi 710-ShT-sonli buyruqlari asosida amalga oshirildi.